1907
Ainten igl rapport da l'Uniun da cant districtuala digl onn 1908 screiva igl president sign. H. Caviezel, Filisour tgi an Surses seia igl 1907 nia fundo en chor viril da vallada. Chegl è igl sulet documaint dalla fundaziun.

1907-1956
Dallas activitads durant igls amprems 5 decenis n'è betg ancunaschaint ena ploma. Gl'è dantant franc tgi las activitads èn stadas interrotas durant las dus gheras mundialas. Ma er durant igls taimps da pasch è l'activitad betg adegna stada garanteida ed igl onn 1948 è perfign nia decidia da sliier se per antant igl chor da vallada e surdar la cassa per salva-guardia agl cres da Surses.

1956
Cantadours premuros on puspe piglia l'initiativa per dasdar l'uniung a nova veta. Cugl dirigent Theo Caliezi da Razén e cugl president Teias Dosch ò igl chor scumanzo cun las provas e siva da chel datum exista igl chor sainza interrupziun anfignen oz.

1962
Inspecter da scola Gion Duno Simeon surpeglia la batgetta da Theo Caliezi, igl cal bandunga igl Grischun ord muteivs da lavour.

1967
Ord muteivs da sanadad demissiunescha Gion Duno Simeon ed i gartegia da gudagner Gion Giusep Derungs, scolast da musica alla scola cantunala, scu nov dirigent. Sot sia lavour distingueida crescha igl chor an domber ed er an qualitad.

1969
Inauguraziun dalla bandiera nova cun ena gronda festa populara a Grava.

1970
Collaboraziun per l'emissiun da televisiun "Igl balcun tort, Turnier an Raezia" e registraziun da diversas canzungs an baselgia da Nossadonna a Savognin.

1971
Participaziun alla festa da cant engiadinesa a Samedan e viadi da dus deis a Verona noua tgi vagn visito l'opera Aïda.

1972
Participaziun alla festa districtuala a Casti e collaboraziun allas festas "100 onns Chor viril Salouf" e "50 onns URS".

1973
Participaziun alla festa federala da cant a Turitg.

1975
Registraziun da noss'amprema platta fonografica "Canta er Te".
Igl chor dombra 83 cantadours.
Participaziun alla festa da cant sursilvana a Lumbrein.
Viadi da treis deis a Rüdesheim/Heidelberg.

1976
Participaziun alla festa da cant districtuala a Tusang.
Concerts a Savognin, Salouf e Mulegns.
Purto igl saleid musical alla dieta dalla "Pro Raetia" cun la participaziun da
cunsiglier federal Ernst Brugger ed alla radunanza generala dall'URS.

1977
Concert a Silvaplana ansemen cugl Chor mixt Champfèr scu er a Savognin,
Salouf e Mulegns.
Participaziun a la festa da cant cantunala da Turgovia a Romanshorn, noua
tgi vagn canto igls "Maletgs da Segantini".

1978
Igl noss chor survign igl premi da radio e televisiun rumantscha CRR an rancunaschientscha per sies angaschamaint per lungatg e cultura rumantscha.
Viadi da treis deis an Svizra franzosa.

1979
Registraziun da nossa sagonda platta "Mond alpin"
Concerts a Savognin e Salouf ed en suplementar la stad agl casti da Riom cun musica dad operas.

1980
Concert communabel cugl chor viril Coira ed en quartet dalla Brass Band GR
agl teater digl martgea a Coira.
Festa da cant cantunala a Mustér.

1982
Festa da cant federala a Basilea.

1983
Festa da cant districtuala a Riom.

1984
La voluminousa cantata da Benedetg Fontana digl ancunaschaint cumponist Duri Sialm stat chesta premaveira agl center digls noss concerts an sala polivalenta a Riom e la stad an igl casti Raetia Ampla, noua tgi Benedetg Fontana veva residia.
Igl noss fitg stimo dirigent Gion Giusep Derungs demissiunescha sen la fegn digl onn da cant 1984/85.
Curò Mani, scolast da musica alla scola media a Tavo, vign eligia successour segl onn da cant 1985/86.

1985
Concert alla sala digl teater a Son Giagl sen invitaziun dalla regenza digl Grischun, giast a l'OLMA.
Festa da cumgio per igl noss dirigent Gion Giusep Derungs.

1986
Festa da cant cantunala a Scuol.

1987
Festa da cant districtuala a Razén.

1988
Igl noss chor represchainta la Rumantscheia ad en concert ainten la sala da congress a Tavo.
Concert a Poschiavo cugl Coro Casamai e viadi a La Gatta.

1990
Festa da cant districtuala a Savognin.
Viadi da 3 deis a Colmar/Elsass.

1991
Festa da cant federala a Lucerna/Willisau.

1992
Igls concerts premavangs cun l’ovra “Taimp ed eternitad” da Xaver Schnyder von Wartensee (naschia 1786) on gia grond success ed ena fitg bunga critica. Dus concerts a Savognin ed egn a Coira an collaboraziun da Georg Fluor e Paul Steiner, tenors, Rico Peterelli, bariton, Alvin Muoth, bass ed en orchester ad hoc.
Digl banchet dalla radunanza da delegos svizra digls postenents vainsa pudia zappar se e purtar igl saleid musical rumantsch, chegl tgi ò fatg grond plascheir a passa 200 delegadas e delegos dall'antiera Svizra.

1993
Festa da cant cantunala a Flem.
Igl cantun Grischun è giast agl Comptoir Suisse a Lausanne e nous vagn dastgea represchantar igl cant rumantsch.

1994
Festa da cant districtuala ad Andeer.
Scuntrada rumantscha a Donat, canto durant igl act final.

1995
Concerts ansemen cugl Chor viril Alvra a Savognin, Lai e Coira.

1997
Festa da cant districtuala a Lai.

1998
Participaziun a la festa da cant digl cantun Glarunga a Ennenda.

1999
Per commemorar 500 onns ghera dalla Tgalavagna cugl manader Banadetg Fontana ò igl circuit da Surses previa diversas activitads durant la stad.
Er nous ischan dalla parteida cun igls gis festivs dalla Tgalavagna digl cumponist engiadines Otto Barblan tgi vagn canto digls concerts a Savognin.
Festa da cant cantunala a Samedan.
Battesim digl DC "Benedetg Fontana".

2000
Festa da cant districtuala a Bonaduz.
Festa da cant federala a Sion.
Curò Mani demissiunescha e Luzius Hassler, scolast da musica alla scola cantunala a Coira, vign eligia scu successour.

2001
Igl noss dirigent Luzius Hassler dastga piglier ancunter igl premi da rancunaschientscha digl cantun Grischun per las sias grondas prestaziuns scu dirigent e pedagog da musica.

2002
Concert da gala a Clostra tgi organisescha la festa da cant districtuala
Portenza/Tavo.

2003
22avla festa da cant districtuala a Riom.

2004
Nous ischan anvidos ad Aarau per cantar en pêr canzungs rumantschas a caschung dallas festivitads "40 Jahre Schweizerischer Musikrat".

2005
Tar igl "Raiffeisen-Festival" cuntanscha igl noss chor igl final a Turitg, stò pero conceder igl amprem post agl Chor d’unfants Cuschnaus (Val Lumnezia).
Concert a Basilea e viadi digl chor.

2006
Concerts a Savognin e Rueun.
Festa da cant cantunala a Coira.
Lotto per las festivitads da giubileum.
Registraziun a Turitg da la cantata "Igl paster pitschen" da G.A. Derungs.

2007
Anniversari da 100 onns Chor viril Surses.
Registraziun da la cantata "Mosaic Sursetter" e la canzung "Surses".
Activo l'amprema pagina d'internet cun l'adressa www.chorvirilsurses.ch
Concert da gala e festa populara da giubileum.
Ediziun da treis DC e la cronica digl chor.
CHOR and MORE "generaziuns cantan", festa e concert ansemen cun las giuventetnas da Surses.

2008
Concerts a Savognin e San Murezzan ansemen cugl ensemble vocal "La cumbricula".
Festa da cant federala a Weinfelden, canzungs da paia: "Igl om striuno" e "La tgaplotta"

2009
Concerts a Savognin ed Uors ansemen cugl Chor mischedau Suraua.
Festa da cant districtuala a Tusang, canzungs da paia: "Return" ed "Igl om stiuno"

2010
Concerts a Savognin e Maiavilla ansemen cun en chor ad hoc da solistas grischunesas

Concert da gala a Bussnang (TG) a caschung dalla festa da 150 onns "Männerchor Bussnang-Rothenhausen"